العلم يفرق.. حمو بيكا يوجه رسالة لطلاب الثانوية والكليات
وجه حمو بيكا مطرب المهرجانات، رسالة لطلاب الثانوية العامة والكليات.
وبدأ رسالته عبر صفحته على فيسبوك: "هو أنا آه مش متعلم وأخدت (محو الأمية) بالعافية لكن ده مش حاجة تفرح ولا تقول (عندك بيكا أهو مش متعلم بس ناجح)، صدقوني والله طعم النجاح مع العلم مختلف تماماً عن طعم النجاح من غير علم".
وأضاف: "العلم يفرق في كل حاجة في الدنيا، كمية معاناة بشوفها يومياً بسبب أني مش متعلم كبيرة آوي مش بتمني حد منكم يشوفها أو يتعرض لها، العلم بيستر كثير آوي وبيخليك واع ومتفتح في كل مجالات الحياة".
واستكمل: "هو آه الشارع علمني كثيرا، بس مش زي المدارس والجامعات، حتى لو مش تشتغل بشهادتك وحتى لو دخلت كلية مش بتحبها، بس يكفي أنك متعلم ومعاك شهادة تقدر تسد بيها عين الشمس".
واختتم: "تعلموا وخلوا بالكم من تعليمكم وشهادتكم لأنها تفرق كثيرا آوي معاكوا ومع عيالكم بعد كده".
