أحمد موسى عن قرار تأجيل زيادة الكهرباء: "الدولة بتخفف الأعباء أهدوا واطمنوا"
أشاد الإعلامي
أحمد موسى؛ بقرار الرئيس بعدم زيادة أسعار الكهرباء لافتا أن الدولة تعمل على
تخفيف أعباء المواطنين قدر استطاعتها.
وقال موسى خلال
برنامج "على مسؤولتي" المذاع على قناة "صدى البلد": "الرئيس
وعد يوم الاتنين أن مفيش كهرباء هتزيد الفترة دي؛ كله كان منتظر الزيادة والناس
بتقول ألحق الكهرباء هتزيد وطلع الرئيس وقال أجلنا المرحلة التالتة".
وأضاف: "رئيس
الوزراء أعلن اليوم وقال مفيش كهرباء هتزيد لمدة 6 شهور؛ مفيش دولة عملت كدة بس
عشان الدولة بتراعي الناس وحضرتك ممكن تستريح وتهدى شوية".
وتابع:
"الدولة تتحمل فاتورة زيادة أسعار السلع؛ السولار سعره متحركش من 2019 ومش
هيزيد لأن الزيادة معناها زيادة أسعار كل السلع والسلعة قدر الإمكان بتحاول تخفف
عن الناس".
وأكمل:
"مكناش حد فينا يتوقع اللي قاله الرئيس في 2018 وقال سجلنا جول؛ كان بيتكلم
على اللي احنا النهاردة بقي على أرض الواقع؛ اليوم إسرائيل عندها غاز هيجي مصر
والأردن ولبنان وفلسطين وأي حد عنده غاز".
وأوضح:
"أوروبا عندها أزمة في الغاز خصوصا بعد الأزمة الأوكرانية وهما عايزين الغاز
من خلال مصر وإسرائيل الغاز بتاعهم يجي على مصر؛ أنتوا عارفين في ناس راحت وقالت
نعمل خط غاز من إسرائيل والاتفاق اليوم ضرب المشروع اللي كانوا بتكلموا عليه خلال
الشهر اللي فات وأصبح مصر فقط لا غير".
واختتم:
"مفيش تحرك في هذا الملف إلا من خلال الدولة المصرية ودول الاتحاد الأوروبي
بيتكلموا على مصر أنها الشريك الحقيقي على أننا مع بعض هنقوم بهذه المهام والدعم
الكبير مع مصر".
