رئيس اتحاد الكرة يكشف أسباب التعاقد مع إيهاب جلال: "معندناش دولارات"
كشف جمال علام؛ رئيس مجلس إدارة اتحاد الكرة؛ أسباب
التعاقد مع إيهاب جلال لتولي القيادة الفنية للمنتخب الوطني.
وقال علام في مداخلة هاتفية مع برنامج "على
مسؤوليتي" المذاع على قناة "صدى البلد": "جبت بتاع الماليات
من فوق سألته معاك دولارات؟ قالي لا معنديش دولارات؛ طيب هنجيب للأجنبي منين وقلت
خلال اجتماع مجلس الإدارة ناخد قرار يا جدعان بمدير فني مصري ونأجل الجلسة ليوم
التلات".
وأضاف: "الاتحاد دايما كان بيصرف على نفسه والوزير
قال لو في مدرب أجنبي أحنا متكفلين؛ واحنا قررنا مدير فني مصر عشان الظروف
الاقتصادية بتاعة البلد وظروف الاتحاد والدولار ابتدا يعلى".
وتابع: "إيهاب جلال من أول ما أتعين اتهاجم؛
ومعندوش ثقة في نفسه من البداية؛ الناس كلها هاجمته؛ ومحدش وقف معاه زي ما بيقفوا
مع الأجنبي".
وأوضح: "هو أنا أعرف إمكانيات حضرت إيه؟ والا انت
تعرف إمكانياتي ايه؟ ومبحبش أتكلم في راتب إيهاب جلال ووارد تكون أخدت قرار خطأ
ولكن ميبقاش هجوم عشان نرجع للقديم تاني".
واختتم: "أنا معنديش مشكلة في عودة كيروش؛ وفي ناس
كل شوية بتخبط وتنخور ورانا؛ النهاردة بيحملونا أن الاتحاد قال إننا هنتقل ماتش
الأهلي والزمالك أحنا مالنا ومال الماتش في رابطة هي اللي بتدير".
