مصطفى بكري يطالب بتغيير الحكومة: عمرها الافتراضي انتهى
طالب الإعلامي مصطفى بكري؛ الرئيس عبد الفتاح السيسي؛
بشرح تداعيات ما يحدث خارج البلاد وتأثيراتها على مصر وكيف سيتم مساعدة الفقراء.
وقال بكري خلال برنامج "حقائق وأسرار" المذاع
على قناة "صدى البلد": "أسعار الكهرباء اللي الهبت الظهور؛ الحكومة
عايزة تزودلنا تاني ازاي؟ مينفعش احنا محتاجين الرأفة بالناس ياحكومة ياللي انتهى
عمرك الافتراضي خلصي بقي؛ انتى ليكي 5 سنين دلوقت".
وأضاف: "احنا محتاجين حكومة جديدة بأجندة جديدة؛
عبد الناصر بعد 1967 لما شاف الأوضاع صعبة هو اللي ترأس الحكومة؛ وبقى بيشغلهم
ويوجهم واحد واحد".
وتابع: "أنا قدمت أمبارح ما يثبت أن ما يحدث في
شركة الكوك لعبة ومحاولة للبيع والضحك على الدقون وبنطالب بتشكيل لجنة بقرار من
سيادة الرئيس؛ واحنا عندنا ثقة فيك".
وأكمل: "لما تبقى عندي شركة ناجحة؛ أبيعها ليه؟ ما
أصلحها أنا عندي وزراء؛ الفريق كامل الوزير خد السكة الحديد واقعة وشركات كتير
واقعة ووقفت النهاردة؛ القضية مش قضية المؤسسات هي قضية الشخص اللي عايز ينفذ
وبيقدم معلومات خاطئة".
واختتم: "أي حد يسمى جيشنا عسكر لا أثق فيه ودا
سماهم عسكر والكلام دة موجود؛ هو أنا أجيب وزير يقول القطاع العام فاشل ولازم نخلص
منه؟ طيب يا حكومة جيباه ليه؟".
