مصطفى بكري عن خسارة المنتخب: فضيحة كروية
علق الإعلامي مصطفى بكري؛ على هزيمة المنتخب الوطني؛
أمام نظيره الإثيوبي في الجولة الثانية من تصفيات بطولة الأمم الأفريقية.
وقال بكري خلال برنامج "حقائق وأسرار" المذاع
على قناة "صدى البلد": "أنا مليش في الكورة بس كل اللي حواليا
مناموش؛ هزيمة المنتخب أمام إثيوبيا مكانتش ماتش كورة وروح رياضية نتبادلها؛ اللي
حصل كان فضيحة كروية وختام مرير لسلسة من الهزائم".
وأضاف: "ليه نتهزم بهذا الشكل قدام فرق أحنا أقوى
منها؛ ليه الناس تتحزب لنواديها ومتتحزبش لمنتخب مصر؛ مباراة مصر وغينيا كان في 40
ألف تذكرة راح الملعب 5 ألاف".
وتابع: "هو الولاء تراجع والا اية؟ هي الجماهير
هتفضل علامة استفهام تتلقى الضربات وتشوف بعنيها الهزائم وهي عندها ثقة في النصر
واللاعبين بتوعها المفروض بينزلوا يقاتلوا في الملعب".
واختتم: "ليه وصلنا للمستوى الهزيل دة في حاجات كتير؛
احنا محتاجين وقفة حازمة في كل حاجة مع المؤسسات والانتكاسات؛ لازم نحاسب كل واحد
وبنطلب من القيادة السياسية على أعلى مستوى؛ يا سيادة الرئيس لازم تتدخل وبكل حسم
وتصارح الشعب بالحقائق".
