مدحت شلبي عن سفر أعضاء اتحاد الكرة مع المنتخب: هي رحلة للقناطر الخيرية؟
انتقد الإعلامي مدحت شلبي؛ سفر 4 من
أعضاء اتحاد الكرة بصحبة المنتخب الوطني إلى مالاوي والتي استضافت مباراة الفراعنة
أمام إثيوبيا في تصفيات أمم إفريقيا.
وقال شلبي خلال برنامج "مساء أون
تايم" المذاع على قناة "أون تايم سبورتس": "أربعة بيسافروا
ليه مع المنتخب؟ كل الإحترام يعني لكن هي رحلة للقناطر الخيرية؟ أنا مش عارف ليه
أربعة يسافروا من المجلس إيه المولد اللي احنا فيه دة".
وأضاف: "أرجوا اللي بيسمعوني دلوقتي إذا
كان عندهم حسن وطني يقدموا استقالتهم؛ وأرجو للناس اللي ليها ارتباط بالمجلس اللي
هناك وبيتفرجوا عليا يكلموهم ويقولولهم لو عندكم حس وطني حقيقي قدموا استقالتكم
ومش هنرضى بالبرشامة إياها".
وتابع: "إقالة الجهاز الفني أو فسخ
التعاقد مع الجهاز الفني مش هنقبل دة ولو عايزين نصلح يبقى نصلح من عندكم الأول؛
مش عشان اتغلبت 2-0 ومش عشان هي إثيوبيا اللي في أخر الشارع وأنا في أوله؛ لا عشان
الترهل الرهيب؛ الترهل في كل شيء هناك ترهل غير طبيعي ولا توجد إدارة حقيقة للكرة
المصرية
وأوضح: "لسة من أسبوع عشر أيام أثارنا
قضية الأهلي والخطاب اللي قعد 50 يوم في اتحاد الكرة ومقالوش للأهلي ينظم ولعبنا
في الوداد واتغلبنا في الوداد".
واختتم: "إذ كان هناك متبقي من الإحساس الوطني
عليكم أن تستقيلوا؛ لقد أصبحتهم وجوه غير مقبولة في الشارع المصري".
