أحمد موسى يهاجم موسيماني ويطالب الخطيب بإقالته
هاجم الإعلامي أحمد موسى؛ الجنوب أفريقي
بيتسو موسيماني؛ المدير الفني للنادي الأهلي؛ مطالبا إدارة القلعة الحمراء بإقالته
على الفور.
وقال موسى خلال برنامج "على
مسؤوليتي" المذاع على قناة "صدى البلد": "رسالتي هتكون لكابتن
محمود الخطيب رئيس مجلس إدارة النادي الأهلي وإدارة النادي الأهلي؛ من الأخر
موسيماني كفاية؛ اللي عمله موسيماني النهاردة وإمبارح ضد جمهور النادي الأهلي
وإدارة النادي الأهلي هو أمر جديد على النادي الأهلي".
وأضاف: "موسيماني ترك النادي الأهلي
10-15 يوم وقاعد في المغرب؛ بيعمل إيه؟ بيتلقى دورة تدريبية وسايب النادي الأهلي
اللي عنده ماتشات في الدوري وعنده ماتش الزمالك الأسبوع الجاي وجاي يرجع بكرة
بالسلامة".
وتابع: "المفترض أن موسيماني مدرب لأهم
فريق في القارة وأحد أهم الفرق في العالم؛ موسيماني بيتفسح وسايب النادي الأهلي
والراجل بيتفسح؛ طيب أن مش هامك النادي الأهلي ومش عايز تيجي أنت حر".
وأكمل: "مجلس إدارة الأهلي يكون ليه
كلمة واحدة؛ كفاية موسيماني مش عايزينه والأهلي لو كمل مع موسيماني يبقي غلط؛ اللي
عمله موسيماني غلط محدش يغلط في الجمهور".
وأختتم: "الأهلي لا يقاد من السوشيال
ميديا ولكن الأهلي له حق أنه يسمع كمان رأي؛ اللي بتقوله النهاردة عمرنا ما شفناه
ولا مدير فني يطلع يقول بيحصل كذا وكذا".
