عمرو أديب يعلق على بيع 25% من ميناء جبل علي
علق الإعلامي عمرو أديب على الإعلان عن بيع 25% من ميناء
جبل علي الإماراتي والمنطقة المحيطة إلى صندوق المعاشات الكندي.
وقال أديب خلال برنامج "الحكاية" المذاع على
قناة "أم بي سي مصر": "درة التاج في مدينة دبي غير البرج أنا حضرت
الشيء العظيم دة وهو بيتعمل ويوميها قالولنا في معلمين تقدر تشوفهم وأنت في القمر
الأول سور الصين العظيم والتاني ميناء جبل علي".
وأضاف: "شركة دبي عملت انجاز عظيم أنها مش بس بتدير
موانئ دبي ولكن بتدير موانئ أخرى حول العالم وبمناسبة اللغط اللي عندنا في مصر
وأنت بتبيع البلد والأصول السيادية النهاردة تم الإعلان عن بيع 25% من ميناء جبل
علي والمنطقة الصناعية لصندوق المعاشات الكندي"؟
وتابع: "الحكاية أن في عدد من الشركات محتاجة دعم
مادي؛ نجيب الدعم المادي دة منين؟ شارك هات فلوس من برة وشارك مش هتجيب الخواجة من
برة تلبسه مشروع واقع".
وأكمل: "تخيل بقي هناك لو جيت على ميناء وقلت هتبيع
25% منه شوف إيه اللي هيتعمل؛ هو عمل الحاجة وكبرها وصرف عليها وبقت عظيمة؛ الناس
دي عملت طروحات في البورصة من شركات الدولة منها شركة المياه والكهرباء".
واختتم: "النهاردة شركة هيرماس المصرية راحت اشترت
نصيب في شركة تمويل سعودية؛ العالم كدة أنت تروح تشتري عند ناس والناس تيجي تشتري
عندك".
