عمرو أديب للإخوان: "أنت مش مدعو للحوار الوطني إيه علاقتك بالموضوع؟"

علق الإعلامي عمرو أديب؛ على وضع جماعة الإخوان الإرهابية شروطا للمشاركة في الحوار الوطني الذي دعا إليه الرئيس السيسي لافتا أنهم غير مدعوين من الأساس.

وقال أديب خلال برنامج "الحكاية" المذاع على قناة "أم بي سي مصر": "العجب كل العجب الكام يوم اللي فاتو في ناس بتتكلم عن الحوار الوطني وهي غير مدعوة؛ لا هما من أهل العريس ولا من أهل العروسة؛ دا حوار لأبناء الوطن واللي مش أبناء الوطن مش جوة الحوار".

وأضاف: "الحوار الوطني دائرة للناس اللي عايزة تحافظ على الوطن دة واللي أنا مستغربله أنه ألاقي الإخوان وفصائل المعارضة بالخارج بيحطوا شروط لحضورهم الحوار الوطني".

وتابع: "هو حد دعا هذه الفصائل المارقة في الخارج للحوار الوطني؟ هل حد دعا الإخوان المسلمين للحوار الوطني؟ أنتوا مالكم ومال الحوار الوطني".

وأكمل: "أيه علاقتك بالموضوع وبعد أنا عايز أفهم حاجة؛ مش أنت شايف أن دا نظام قاتل ونظام قمعي؛ طيب أنت ازاي هتقعد معاه؟ لو قلتلك تعالي أحضر الحوار الوطني هتبيع قواعدك وناسك وتيجي تحضر معانا بكرة؟".

واختتم: "انت يا أبني مش مدعو أنت مش وطني؛ أنا عايز أقول ملاحظة قد تبدو شكلية؛ هل مرة شفتوا حد في الإعلام بيتكلم عن مصر؟ بيتكلموا عن حكم مصر دايما ولن تجد في أدبيات الإخوان أنهم بيستخدموا كلمة الوطن أو كلمة مصر دا مش موجود أبدا".