نجل ضحية جريمة الريف الأوروبي يناشد النائب العام بوقف النشر في القضية
طالب محمد عادل؛ نجل ضحية الريف الأوروبي؛ بوقف النشر في
القضية لافتا أن المتهم يردد الأكاذيب والشائعات حول أسباب الجريمة.
وقال عادل في مداخلة هاتفية مع برنامج
"الحكاية" المذاع على قناة "أم بي سي مصر": "المتهم
بيقول كلام مش كويس ومش صدق ومش حقيقة؛ لسة بيسمعوه متهم قتل خمسة اللي هيريح ناري
ويريح البلد كلها؛ القصاص".
وأضاف: "مفيش حد شاف حاجة أنا اللي شفت كل حاجة؛
أنا معرفش قتلهم ليه ناس رايحين يشتغلوا وبيشتغلوا بالأسبوع أروح الاقيهم مدبوحين".
وتابع: "ذنبها ايه البنت الصغيرة وذنبه ايه الطفل
الصغير والكلام دة مش صحيح واحد عنده 67 سنة هيتجوز واحدة عنها 25 سنة".
وأكمل: "البلد كلها كانت في الجنازة والناس كلها
كانت واقفة معانا أنا واثق في كل الداخلية والمستشار اللي حقق معايا وعدني وقالي
هجبهولك وأنا بطلب من النائب العام وقف الأكاذيب والكلام لحد انتهاء التحقيق؛ أنا
معادش ليا حد ولكن بعد اللي شفته أمبارح".
واختتم: "أنا بقالي يومين منمتش وبروح عند واحد
صاحبي وأخويا بيحاول ينيمني ولكن أنا مش عارف؛ أنا بطلب من النائب العام وقف النشر
والأكاذيب".
