لميس الحديدي تهاجم حسام حبيب: رايح تعمل أغنية تحت تهديد السلاح؟
أكدت الإعلامية لميس الحديدي؛ أن قضية الفنانة شيرين وطليقها حسام حبيب تعد مشابهة لقضايا العديد من الناس، موضحة أنه لا يتحمل أنها طلبت الطلاق.
وقالت خلال برنامج "كلمة أخيرة" المذاع على قناة "أون": "قضية شيرين دي شبه قضايا ستات كثر، هو مش متحمل أنها أصرت على الطلاق؛ بيلعب كل الألعاب طيب بتروحلها ليه؟، موضوع فني أيه اللي بتروحلها عشانه الفجر".
وأضافت: "عايز تلحن غنوة بمسدس تحت تهديد السلاح؟، أنت رايح تقولها عايزين نعمل أغنية سوا تحت تهديد السلاح؟، هو خلاص مفيش غير شيرين تروح عشان تدور أنها تغنيلك؟، تعاون فني أية".
وتابعت: "شيرين لازم تقفل الباب؛ كل المحاولات تؤدي للمشهد دة؛ دا ميتفتحلوش باب لو داخل بسلاح؛ دا بيحصل عند نساء أخريات أزاي أن الطليق لا يريد أن يطلق مطلقته ومش عايز يسيبها".
واختتمت: "قصة غريبة جدا نتمنى لها السلامة وأن تغلق الباب وكويس اللي عملته أنها ذهبت لقسم الشرطة وأنها تعمله تعهد أنه لا يقترب منها".
