عمرو أديب يكشف تفاصيل حوار علاء الأسواني مع إذاعة جيش الاحتلال

كشف الإعلامي عمرو أديب تفاصيل حوار الروائي علاء الأسواني مع إذاعة جيش الاحتلال الإسرائيلي مشيرا إلى أن الكاتب كذب خلال تبريره لأجراء الحوار.

وقال أديب خلال برنامج "الحكاية" المذاع على قناة "أم بي سي مصر": "الدكتور علاء الأسواني شغال في بلدنا يقول دا صح دا غلط أخرج برة أنا دولي أنا عالمي؛ وفاكر لما كان بيسافر والأخوان بيجروا وراه في الشارع فجأة النهاردة بلا مقدمات لقينا حوارا أدبيا للكاتب الدكتور علاء الأسواني في إذاعة جيش الدفاع الإسرائيلي".

وأضاف: "الجزيرة اللي عاملة مشكلة مع علاء الأسواني بتستضيف مسؤولين إسرائيليين؛ مش دا اللي أنا مستغربله واللي بيحصل أن هو دائما مخبي الأجنحة ورا هو بأجنحة وهو لا يخطئ".

وتابع: "الإسرائيليين فيهم عيب لما حد يعمل معاهم حاجة بيحبوا يفضحوه؛ الراجل المسؤول عن قسم الأدب في الإذاعة الإسرائيلية طلع قال طلبنا منه نعمل حوار وهو قال أنا مبحبش وجها لوجه فبعتناله الأسئلة وجاوب عليها".

وأكمل: "الدكتور علاء الأسواني قال أنا معملتش حوار أنا كلمت وكيلي الأدبي طيب هو مقالكش أن الأسئلة جاية من إسرائيل؟ هو الكلام عن ايه عن ترجمة رواية لعلاء الأسواني للغة العبرية".

وواصل: "هو في حد بيترجمله رواية أو كتاب في العالم من غير ما يدي حقوقها؟ علاء قالك لا أنا لما ترجمتها للعبرية استخدمت دار نشر أمريكاني وهي ترجمتها".

وأوضح: "هي اترجمت ازاي ياعلاء؟ راحت ازاي إسرائيل؛ صادف يا سادة أن في نفس اليوم اللي طلع فيه الانترفيو في الأذاعة الإسرائيلية في جامعة قررت تدي علاء الأسواني الدكتوراه الفخرية؛ أية ياربي اللي بيترمي علينا دة".

وأكمل: "أنا عندي ناس هنا في أزمنة كثيرة وفي أوقات كثيرة اتأذوا ومع ذلك هو يعشق تراب البلد وقاعد هنا ويكتب ويقول وينقد وعايز البلد أحسن بلد؛ المثالين دول النهاردة عمرو واكد وعلاء الأسواني اللي أنتوا عملتوه النهاردة شهادة وفاة".

واختتم: "لو في أيدي أخد برواز كبير في جريدة الأهرام واكتب فيه توفي كلا من الكاتب علاء الأسواني والفنان عمرو واكد والعزاء في الخرابة".