أديب: "عمرو واكد مش معارض ده عنده عقدة من مصر"
هاجم الإعلامي عمرو أديب؛ الممثل الهارب عمرو واكد على خلفية الإساءة
إلى المرأة المصرية خلال تغريدة على موقع التواصل الاجتماعي "تويتر".
وقال أديب خلال برنامج "الحكاية" المذاع على قناة "أم
بي سي مصر": "حاولوا يقولوا إن عمرو واكد لما كتب التويتة القذرة كان
سكران وللأسف أنا متأكد 100% أنه مكانش سكران وأنه وصل لمرحلة من الكره لهذا البلد
بتخليه غير متزن؛ هو عنده عقده اسمها السيسي؛ هو بيكره عبد الفتاح السيسي وأي حاجة
ليها علاقة بالموضوع".
وأضاف: "هو عنده نقطة مش قادر يتجاوزها؛ أن تكون معارضا أنا أكتر
واحد بتفهم المعارضة وعلى فكرة عندنا معارضين محترمين جدا تبقى ضدهم تختلف معاهم
دي سنة الحياة عمرو واكد ليس معارضا ده عنده عقده اسمها مصر".
وتابع: "القذارة أصدقائه من نفس التيار قالوله إيه اللي
أنت كاتبه ده؛ ورد بتويته تانية قال أنا هشيل التويتة عشان زعلتك يا منى؛ قالها يا
منى أنا هشيل التويته قالتله تويتة إيه اللي أنت هتشيلها".
وأكمل: "المصريين دخلوا قالوله لا وحاجات تانية يا كذا يا ابن
كذا وحاجات تانية لأنه احنا معندناش؛ دا عرضنا يا اخي سواء كنتي معارضة أو لا دا
أنا أدخل واحمي واستشهد عشان عرضي".
وأوضح: "أنا بس بقولك خبر يا عمرو أنت مت؛ توفيت وأظن دي عملية
انتحار واضحة أنت ليس لك مكان لا برة ولا جوة أنت ترمي نفسك من الشباك لأنك انتهت؛
وبعدين كتب تويتة وقال أنا بعتذر وطبعا في بعض الناس قالتلك أية ياجماعة دا الراجل
غلط واعتذر حصل اية يعني".
وواصل: "عمرو راح كاتب وقال أنا بعتذر وأنا غلطت وراح كاتب حاجة
قالك ورحت داخل مستحمي وحياة أمك الغالية لو استحميت بنهر السين كله ما هتنضف
وهتفضل الحكاية دي ركباك؛ الخبر أنك انتهيت وانتهيت حتى وسط أقرانك".
واختتم: "النهاردة أنعى إليهم وفاة عمرو واكد ونهايته؛ وأنا ضد
كل واحد يقولك كان سكران ولما تبقى سكران مش هتكتب كدة تويتة من غير غلطة وتحط اختيارات
ومفروض تكتب سطر وتمشي".
