أحمد موسى يعلق على طلب عبود الزمر المشاركة في الحوار الوطني

أكد الإعلامي أحمد موسى أن الحوار الوطني الذي دعا إليه الرئيس عبد الفتاح السيسي سوف يجمع كافة الاتجاهات، ما عدا الذين تورطوا في أعمال عنف ضد الشعب المصري.

وقال موسى خلال برنامج "على مسؤوليتي" المذاع على قناة "صدى البلد": "كلنا عارفين مين مش عايز خير للبلد دي؛ اللي قاعد جوة أو برة منهم عايز البلد دي متبقاش موجودة أساسا؛ الرئيس أتكلم النهاردة حوالين الحوار الوطني".

وأضاف: "الحوار الوطني لكل المصريين والناس تكلم زي ماهي عايزة؛ الناس تتكلم وكله يسمع بعضه؛ في الأخر نبقى باصين على بلد ومش أشخاص".

وتابع: "ألاقي إمبارح عبود الزمر يقولك رجعونا عايزين نبقى موجودين ؛ الجماعة الإسلامية مهو بعد الامريكان ما رفعوا وبتاع ده ناقص عاصم عبد الماجد يقولك عايز أرجع ناقص اللي قتل 180 واحد في مديرية أمن أسيوط سنة 1981 يقولك اشركونا احنا جزء".

واختتم: "اللي ايده ملطخة بالدم مش موجود؛ الحوار للناس اللي عايزة صالح مصر ميكونش إيديه ملطخة بدماء المصريين؛ ده في اتفاق من الكل".