عمرو أديب عن قرار رفع الفائدة: الأمور ستسوء
علق الإعلامي عمرو أديب؛ على قرار البنك المركزي زيادة سعر الفائدة بنسبة 2% مشيرا إلى أن الأمور سوف تسوء قبل أن تتحسن بعد فترة.
وقال أديب خلال برنامج "الحكاية"
المذاع على قناة "أم بي سي مصر": "الأمور هتسوء قبل أن تتحسن؛ في
أسباب أولها أن غالبيتنا نشتري الحاجة بالتقسيط والتقسيط من امبارح زاد لان الإقراض
أنك تقترض زاد عايز تقترض تشتري تلفزيون أو موبايل؛ الفايدة اللي بياخدها اللي
بيقرضك هتبقي اعلى".
وأضاف: "نمرة اثنين هو ليه بيرفع
الفائدة هو بيرفع عشان يكون وصولك للفلوس صعب وبالتالي الطلب على السلع يقل
فالأسعار تنزل؛ بين ده وبين الركود شعرة الاقتصادي محمد العريان بيقول الفيدرالي أتأخر
في رفع الفائدة فالركود هيحصل الأول".
وتابع: "الأسعار تنزل ولكن قبل ما تنزل
هو المصنع ده ممكن يمشي عماله؟ أه ممكن الأسعار ممكن تزيد تاني ازاي التاجر ده أو
المصنع ده غالبة شغلة أنه بيستلف فلوس عشان يدبر انتاجه وبعدين ينزل السوق هو لما
يستلف النهاردة بـ 2% هيحطها على مين؟ كلها على الزبون على ما هو يبتدي يشعر أن
الزبون ادايق هتاخد كام شهر وبعدين الأسعار تنزل".
واختتم: "ده اللي أقصده أنها ستسوء شوية
ثم تبدأ في الانخفاض أو هكذا أتمنى العالم كله بيسال هو الأسعار هتنزل الأول والا
الركود هيجي الأول".
