أحمد موسى يعلق على إصدار وثيقة ملكية الدولة
أشاد الإعلامي أحمد موسى؛ بتصريحات الفريق
كامل الوزير؛ وزير النقل والتي نفى فيها نية الدولة بيع شركات القطاع العام
والهيئات الحكومية خلال الفترة المقبلة.
وقال موسى خلال برنامج "على
مسؤوليتي" المذاع على قناة "صدى البلد": "طلعوا وأتكلمنا وأنا
بشكر الفريق كامل الوزير وزير النقل مداخلته قفلت وأغلقت الأبواب اللي كانت مفتوحة
علينا وعلى البلد؛ طلعت أصوات الغربان السوداء تشكك وتكلم على البيع".
وأضاف: "كلام الفريق كامل الوزير كان
واضح؛ لا بنبيع ولا بنملك ولكن بجيب مستثمر وقطاع خاص عشان الإدارة ومين مش عايز
إدارة كويسة؟ مين مش عايز قضاء على البيروقراطية واستخدام الرقمنة وغيره".
وتابع: "طلع امبارح وهي من مارس اللي
فات؛ وثيقة سياسة ملكية الدولة؛ اللي قالك الدولة بتبيع؛ في وثيقة طلعها مجلس
الوزراء طويلة 45 ورقة كدة؛ 88 كيان اقتصادي هيروحوا للقطاع الخاص".
وأكمل: "دي الدولة اللي مش عايزة القطاع
الخاص يبقي موجود؛ الدولة هتحول قطاعاتها وشركاتها؛ 88 كيان اقتصادي الدولة هتديهم
للقطاع الخاص؛ القطاع الخاص هيخدهم ويجري؟".
وواصل: "الأهم أنت عايز ترفع استثمارك
وتزوده في الشغل دة بنسبة 25-30% مش كل حاجة الدولة؛ أنتوا عارفين ظروف وشركات
القطاع العام اللي بيتصفى واللي هيتصفى؛ خساير طيب انت هتعمل ايه؟".
واختتم: "الدولة بتستهدف رفع معدلات
النمو بالإجراءات دي ما بين 7-8% دا في عنوان واضح بيقولك ايه؟ برنامج تمكين القطاع
الخاص يعني مش ضحك ومش بنقول كلام أنا بقول حقائق اللي الدولة قالت عليه".
