أحمد موسى يهاجم اتحاد الكرة: "آخر مرة هتواصل معاكم.. المتحدث مش فاضي"
انتقد الإعلامي أحمد موسى؛ الاتحاد المصري
لكرة القدم؛ على خلفية تجاهل المتحدث باسم الاتحاد الرد على اتصالات وسائل
الإعلام.
وقال موسى خلال برنامج "على
مسؤوليتي" المذاع على قناة "صدى البلد": "الاتحاد المصري لكرة
القدم وأنا أهو بقولها على الهواء لما ننتقدهم يزعلوا لما ندور على حد يدخل يتكلم
يقولك المسؤول كلموا المتحدث طيب الباشا المتحدث قافل تليفونه".
وأضاف: "يا الاتحاد يشتغل ويبقي عنده
تواصل مع وسائل الإعلام يا أما ميزعلوش تاني؛ عدانا العيب أنا بقول على الهواء
ميزعلوش تاني مننا؛ طيب المعلومات نخدها منين؟".
وتابع: "كل ما نتوصل مع حد يقولك
المتحدث؛ طيب المتحدث قافل تليفونه؛ نروح لسيادته البيت؟ والا هو قافل تليفونه
عشان مش عايز يتواصل مع الإعلام".
وأكمل: "أخر مرة هتواصل مع اتحاد الكرة؛
ولكن أن ميبقاش عندهم حد يتواصل مع الإعلام هذه مشكلة؛ أستاذ جمال علام لو المتحدث
مش فاضي شوفوا حد فاضي".
واختتم: "عندكم مشكلة في التواصل مع
الإعلام أو انتوا عايزين تتكلموا مع ناس معينة خلاص؛ هنتكلم عن المنتخب ومش هنتكلم
عن الاتحاد ودي أخر مرة التواصل مع الاتحاد المصري لكرة القدم؛ انتهت بالنسبالي
خلاص".
