الجمعة 01 يوليه 2022 الموافق 02 ذو الحجة 1443
رئيس التحرير
شيماء جلال
Advertisements

منفعلًا بسبب أحداث أسوان.. أحمد موسى: أنت نُصب عليك تسرق وحدة صحية ليه؟

الثلاثاء 17/مايو/2022 - 09:51 ص
الرئيس نيوز
حسام محمد
طباعة
علق الإعلامي أحمد موسى، على قيام بعض ضحايا مستريح أسواق بقطع طريق واقتحام إحدى الوحدات الصحية وسرقة محتوياتها تحت تهديد السلاح.

وقال خلال برنامج "على مسؤوليتي" المذاع على قناة "صدى البلد": "مسألة أن كل واحد يأخذ حقه بزراعه في بلد فيها قانون؛ حضرتك أعطيت فلوسك لواحد نصاب ولما رحت للنصاب ضحك عليك وجريت رايح تأخذ حقك بذراعك وتولع في مؤسسات حكومية وبيوت خاصة وناس تمسك الآلي وتضرب نار".

وأضاف: "مفيش حاجة اسمها كدة في حاجة اسمها قانون؛ اللي يعمل كدة يحاسب؛ رايح تسرق وحدة صحية ليه؟، مال الوحدة الصحة ومال النصاب اللي ضحك عليك".

وتابع: "إذا حضرتك طمعان وبعت اللي وراك واللي قدامك وخدت قروض عشان أروح أحطها أخد فايدة؛ ماله ومال الدولة؟، هي الدولة أدت تصريح لحصاوي أو مصطفى البنك؟، تعمل أيه معاك الدولة، ولو الدولة راحت وقبضت عليه يقولك ليحاربوا الناس الناجحة".

وأوضح: "ناس قطعت الطرق وعملوا مشاكل كبيرة جدا؛ إخلال بالأمن، هل الإخلال بالأمن يتساب؟، أنت ليك حق ليك فلوسك أتأخذت منك هي الحكومة هتطلع فلوس من البنك وتديهالك".

وأكمل: "الحاجة الوحيدة أن لو في أراضي ومواشي ستقسم على الناس، وتعمل قسمة الغرماء وفلوسك التي أتأخذت منك لن ترجع بالكامل؛ حصل نصب وكله اتنصب عليه بلد بالكامل يتنصب عليها هو المشهد دة لما تعمله في أي مكان الدولة هتسكت عليه؟".

 

 

ads
Advertisements
Advertisements
ads