نشأت الديهي يهاجم أحمد طنطاوي: قولي رأيك بعيد عن المزايدات السياسية
هاجم الإعلامي نشأت الديهي؛ النائب السابق أحمد طنطاوي
على خلفية حواره مع هيئة الإذاعة البريطانية بي بي سي حول الحوار الوطني الذي دعا
إليه الرئيس عبد الفتاح السيسي.
وقال الديهي خلال برنامج "بالورقة والقلم"
المذاع على قناة "تن": "أحمد طنطاوي بيقول أن الحوار فرصة لإنقاذ مصر
وليس لتبيض وجه النظام؛ هل عشان الدولة دعت لحوار وكلنا قبلنا الحوار أن حد يتشرط
ويتطاول ويقول ما لا يقبل".
وأضاف: "انت يا احمد طنطاوي هتنقذ النظام؟ انت هتنقذ الدولة؟ أنت عندك إيه يابني؛ وأكمل: "أحمد طنطاوي بيقول لازم نعمل انتخابات مبكرة؛ هو كل هؤلاء ألم يكن بينكم رجل رشيد يستطيع أن يكون منصف وأن الدولة في 8 سنين قامت ببناء ايه وايه؛ وحولنا نسبة المعمور في مصر من 7% إلى 15%".
وأكمل: "كله بيتكلم على الديون دلوقت؛ تعالي قولي
أعمل ايه؟ أجيب إيرادات منين أجيب موارد منين؛ الدولة قدرت تبني مشروعات بـ 8
تريليون جنيه منهم تريليون جنيه على مشروع حياة كريمة عشان ينقل واقع كفر الشيخ
اللي أنت منها من واقع إلى واقع".
واختتم: "أنا لا أمثل إلا نفسي؛ زي مانتوا عايزين
حرية رأي وتعبير أنا بقول رأيي؛ أنا معنديش مشكلة تعالي اتناقش معايا وقولي رأيك؛
أنت قولي أيه اللي أنت شايفه ممكن نزوده أو إيه الغلط اللي احنا عملناه بعيدا عن
المزايدات السياسية".
