الباز: "وائل غنيم زي الكتكوت اللي بيرقص على صفيح ساخن"

علق الإعلامي محمد الباز؛ على اعتذار الناشط السياسي وائل غنيم والذي نشره على موقع التواصل الاجتماعي "فيسبوك".

وقال الباز خلال برنامج "أخر النهار" المذاع على قناة "النهار": "فاكرين وائل غنيم؛ كان الشاب اللي كان متصدر أحداث 25 يناير وهو اللي عمل الدعوة بتاع النزول من صفحة كلنا خالد سعيد وكان واحد من النجوم على مستوى العالم".

وأضاف: "انتوا شفتوه في السنين الأخيرة وهو عامل زي الكتكوت اللي بيرقص على صفيح ساخن ومش مستقر على حال ونفسيا مش متظبط".

وتابع: "أعلن اعتذار عبر صفحته وكلام وائل غنيم لازم نقراه من شخص عابر ومش مجرد واحد كدة بيقول كلمتين وخلاص دي حالة مصرية تدعو للتأمل والتفكير".

وأوضح: "وائل غنيم قال أعتذر اعتذارا هو الأخير من هذا النوع، بخصوص كل ما قمت به من سوء تقدير وقلة قيمة لنفسي واضرار بوعي كثير من شباب بلادي عبر تصرفاتي غير المسؤولة".

وأكمل: "في شباب كتير اتخدعوا باللي عمله وائل غنيم واللي كان بيروجه وائل غنيم بعد السنين دي هو بيعتذر بعد ما ناس كتير راحوا في الوباء بسببه".

واختتم: "معرفش ضحايا وائل غنيم هيقبلوا اعتذاره ولا هيظل مدان؟ نحن أمام نموذج سلك طريقا وأضر به ناس كتير جدا ثم بعد بهذه السنوات بيقول أنا أسف".