الباز يكشف تفاصيل جديدة في قضية مستريح أسوان
علق الإعلامي محمد الباز؛ على الواقعة المعروفة إعلاميا
باسم "مستريح أسوان" والذي جمع من المواطنين ملايين الجنيهات تحت دعوى
توظيفها.
وقال الباز خلال برنامج "أخر النهار" المذاع
على قناة "النهار": "مستريح أخر وكأن الناس مبتتعلمش؛ الناس مش
عايزة تبقي عاقلة أو حكيمة؛ 100 مستريح بنفس الطريقة ومفيش فايدة والمستريحين ما
شاء الله بقوا يبتكروا".
وأضاف: "ايه اللي حصل في مستريح أسوان؟ هو شهرته
مصطفى البنك وكان سواق توكتوك وهو مسجل خطر أصلا ولسه طالع من السجن كان محبوس على
ذمة قضايا".
وتابع: "طلع وراح للناس وقالهم أنا مبخدش فلوس هاخد
منكم مواشي؛ واتكونت عنده فلوس وناس بتقول 200 مليون وناس 2 مليار؛ واثناء القبض
عليه مات أربعة من الداخلية".
وأكمل: "معاونو مصطفى البنك دول كان الواحد بياخد 5
آلاف جنيه في اليوم؛ في الأزمة اللي احنا فيها دي قرية فيها عدة نجوع يطلع منها
200 مليون أو 500 مليون".
واختتم: "مفيش واحد نصاب إلا وفي واحد طماع موجود
على طول؛ وتلاقي ناس باعت أرض وناس باعت دهب عشان صحبك ياخد الفلوس في النهاية".
