«الحاج رجب أسلوب حياة» القصة الكاملة لـ«فيديو السجائر» الذي أثار ضجة على مواقع التواصل
يقول الحاج رجب عقب تداول الفيديو أن الشيخ السعيد قريبه وكانوا فى فرح أحد أقاربهم، «هو شيخ على عيني وراسي، بس أنا حر وهو مش
هييجي يتحاسب مكاني، أنا عارف كويس أضرار التدخين والفلوس اللي بضيعها عليها، لكن دي
عادة من صغري».
تحدث الحاج رجب قائلا:" علاقتي بالشيخ سعيد مثل علاقة الديوك ناقر ونقير، ولكن
الاختلاف فى الرأى لا يفسد للود قضية.
وعلق أحد المتابيعن قائلا:« ليه الفيديو بتاع الحج رجب واحد من أهم الفيديوهات في تاريخ السوشال مديا كلها ومش عايز أقول في تاريخ مصر.. الفيديو دا بكل بساطة بيجسد كل ما حدث في المجتمع المصري من صراع خلال الخمسين سنة الأخيرة»
أضاف البوست المتداول: «في الفيديو يظهر الشيخ الملتحي صاحب الجلباب السعودي ومعاه واحد بيصور بالموبايل عشان يوثق اللقطة وهو بيقنع الحج رجب بالاقلاع عن التدخين على الهواء.. في الجانب المقابل الحج رجب بملامحه المصرية الأصيلة وجلابيته الفلاحي قاعد في الغيط بيشرب سجارته بمنتهى الروقان والانشكاح ولا أخر الملوك المصرين ».
يضيف المنشور :«الشيخ السلفي بدمه التقيل وشكله العكر بيجسد الفهم السلفي الوهابي للدين في المقابل الحج رجب بفهمه البسيط واللين والطيب عن الدين بيمثل الفهم الشعبي والمصري للدين باعتباره يسر مش عسر وربك رب قلوب.. لشيخ السلفي نفسه لما حب يمارس فكرة الاستحقاق والوصاية على الحج رجب وقاله ابعد السجارة شوية فتغيرت نبرة الحج رجب وبمنتهى البساطة والتلقائية والكبرياء المصري قاله روح انت الناحية التانية»
أختتم المنشور :«الحج رجب اللي مش عارف يقول كلام بالفصحى ومش بيطلع لسانه في الثاء قصف جبهة الأخ السلفي ٤٠ مرة في فيديو ٣ دقايق من غير ما يقوله حديث واحد على بعضه. الحاج رجب استمر في الاستمتاع بسجارته طوال مدة الفيديو رغم إلحاح وسماجة وسخافة الشيخ السلفي اللي حب يركب التريند فالحج رجب ركبه ودلدل رجليه .. الحاج رجب مش مجرد شخص الحج رجب فكرة وأسلوب حياة الحج رجب أيقونة مصرية »
