"إحنا مش ضد اللي بيصلي".. وزير النقل يعلق على صلاة مواطنين أمام القطار

انتقد المهندس كامل الوزير؛ وزير النقل؛ تعامل بعض المواطنين مع القطارات، مناشدا إياهم باتباع التعليمات الأمنية في عبور السكك الحديدية.

وقال الوزير في مداخلة هاتفية مع برنامج "الحكاية" المذاع على قناة "أم بي سي مصر": "إحنا بنقول للناس لو سمحتوا اتبعوا تعليمات الأمن اتبعوا تعليمات عبور السكك الحديد طيب دا بيعدي السكة الحديد وغيره بيحدف القطارات بالطوب".

وأضاف: "دول جايين خلال الدنيا ضاقت أن مش لاقي مكان أصلي فيه طيب دا كلام؛ لو أنا دخلت يمين شوية أو شمال شوية عشان اسيب المزلقات للقطر يعدي".

وتابع: "كأن أحنا مبنصليش وضد اللي بيصلوا لا والله بنصلي زيكم ولكن مينفعش أصلي على قضبان القطر وأعطل القطر والناس اللي فيه".

واختتم: "تخيل المنظر دا عندنا في مصر النهاردة في 2022 عندنا برضه أمل أن شعبنا وناسنا عندهم ثقافة كبيرة جدا وإن شاء الله المناظر دي هتنتهي قريب جدا".