عمرو أديب عن الأزمة العالمية: "منعوا التحمير.. مش لاقيين زيت"

أكد الإعلامي عمرو أديب؛ أن هناك أزمة عالمية تسببت في أثار سلبية على اقتصادات دول العالم، لافتًا إلى أن المصريين لا يشعرون بالأزمة بشكل كبير.

وقال في خلال برنامج "الحكاية" المذاع على قناة "أم بي سي مصر": "محللين كثر مع بداية الأزمة قالوا أسبوع والموضوع ينتهي، ومدام مش أسبوع تبقي ولادة وفيها تسع شهور؛ أنا مش عايز من الأخوة المسؤولين في مصر كلهم يقولوا يا جماعة اطمأنوا إحنا مفيش عندنا مشاكل وكله هيكون تمام"، مضيفًا: ""ليه كله هيبقي تمام، قولي احنا راكبين طيارة وأربط الحزام لأن في مطبات؛ لا في مشاكل وعلى فكرة وارد جدًا ينطلك عفريت اسمه أن الصين قفلت تمامًا".

وذكر: "ناس كتير تقولك عمرو عايز ينكد علينا قبل ما ننام هو أنا بقولك سر؟، اللي بقوله إنه آن الأوان أن يكون هناك ثقافة الحرب والأزمة لدى الحكومة والشعب"، متابعًأ: ""مش هقول زي بريطانيا أن المواطن يأكل بيضة واحدة؛ من يومين بتكلم مع واحد وقال لي إن برة منعوا التحمير وقالك مفيش زيت؛ ماليزيا وإندونيسيا والدول اللي بتصدر الزيت قالت زيتي ليا، والأمريكان اكتشفوا أن زيت عباد الشمس اللي كان بيجي من أوكرانيا في مشاكل".

واختتم: "قالك اللي عايز يحمر بطاطس للعيال يشويها أو يسلقها؛ تخيل لو قلتلك النهاردة متحمرش؟، هيقولك عمرو أديب ينادي بعدم تحمير البطاطس".