عمرو أديب يوجه نصيحة للمصريين: خلوا بالكم من فلوسكم

طالب الإعلامي عمرو أديب؛ المواطنين بالتحلي بثقافة الترشيد خاصة في ظل الظروف الاقتصادية التي يمر بها العالم بعد انفجار الأزمة الأوكرانية.

وقال خلال برنامجه "الحكاية" المذاع على قناة "أم بي سي مصر": "الدولة متكفلة بالمواطن اللي بياخد التموين دا حاجة مفيهاش كلام؛ أنا بتكلم عن صانع السوق والقوة الشرائية، أنا النهاردة مش شاري من المكان دة بالسعر دة".

وذكر: "الأسعار زادت في مصر والعالم وكل مكان في الدول الغنية والفقيرة والاشتراكية والرأسمالية؛ الفواتير زادت المياه والكهرباء والغاز، مضيفًا: "من بعد العيد عندنا زيادة في منتجات الألبان من 10-15% وجايز تزيد مرة أخرى؛ أنت عايش في عصر الحرب، ولازم أنت وعيلتك وناسك تقولوا لا مش هنشتري الحاجة دي بالطريقة دي تاني".

وأوضح: "هي مش قضية معاك فلوس أو لا هي قضية التدبير؛ أول ما بكرة يبقى غامض أمسك في فلوسك"، متابعًا: "رئيس الوزراء البريطاني جونسون من يومين طلع قال أسف في ناس مش هنعرف نعملها حاجة، وابتدينا نتكلم بثقافة الحرب فعلا وأنت في مصر هنا ثقافتك مختلفة".

وواصل: "هنا ده مش أسلوبك، أنت هناك أسلوبك مسؤول مسؤولية تامة كاملة عظيمة عن كل البشر ولكن هنا تقوله في حرب ويقولك أنا مالي؛ يجب أن يكون لدينا ثقافة الأزمة".

واختتم: "بقابل ناس من مختلف الطبقات؛ الجميع بشكل عام يفكر ويقول هيعمل أيه؛ أسف أن أحاول أقنعتك تأخذ بالك من فلوسك؛ أنا مش بمهد التمهيد ده لحاجة هتحصل، أنا بتكلم على حاجة حصلت".