عن شائعات ارتفاع الدولار.. أحمد موسى: صحيتوا النهاردة ملقتوش حاجة حصلت

وقال "موسى" خلال برنامج "على مسؤوليتي" المذاع على قناة "صدى البلد": "صحيتوا ملقتوش حاجة حصلت في البنك المركزي، ملقتوش الدولار بقي بعشرين الناس اللي كانت مستنية الدولار يبقي بـ25 جنيه".

وأضاف: "فين الهاشتاجات اللي كانت تتكلم عن البلد؛ فين الهاشتاجات اللي كانت طالعة تخرب في البلد بقالها ثلاثة أربع أيام؛ فين الهاشتاجات عن الاقتصاد اللي ضاع والا البلد اللي فلست؟ فين الهاشتاجات دي؟ مفيش".

وتابع: "الهاشتاجات دي هدفها الوحيد إزاي نضرب هذه الدولة كان بيقولك اصحي الصبح اسحب فلوسك؛ طيب خدت فلوسك النهاردة ما الذي جرى حصل ايه؟ جرينا ورا أمريكا؟ طلع البنك المركزي رفع وحرك الدنيا؟ لا وقلتلكم الكلام المحدد إجراءات سعر الصرف ليس مرتبطا بأمريكا".

وأكمل: "أنت بتعمل ده عشان تخوف الناس وتفزعهم وتعمل قلق للناس؛ ده اللي يتعمل ضد مصر ساعات الليل والنهار؛ المطلوب مننا أية لازم نبقي واخدين بالنا؛ النهاردة مفيش حاجة وبكرة مفيش حاجة".

واختتم: "أنت مش هتتحرك بناء على الحقونا تعالوا اعملوا؛ رئيس الوزراء اجتمع مع محافظ البنك المركزي وهدفه أننا عايزين نوفر السلع وحضره مين وزيرة التجارة وجمال نجم نائب محافظ البنك المركزي".