أحمد موسى يتوقع عدم رفع البنك المركزي لسعر الفائدة: "مفيش شهادات 20%"
أكد الإعلامي أحمد
موسى؛ أن سعر الدولار لن يرتفع لافتا أن البنك المركزي لن يطرح شهادات جديدة
بفائدة 20% كما توقع البعض.
وقال موسى خلال
برنامج "على مسؤوليتي" المذاع على قناة "صدى البلد":
"اللي كان بكرة عشمان أن في شهادات 20% بكرة مفيش شهادات بكرة هتلاقي الـ 18
بس".
وأضاف: "اللي
كان عشمان بكرة أن البنك المركزي هياخد إجراءات ويخفض كذا مفيش واللي كان عشمان الدولار
يبقي بـ 30 جنيه مش هيبقي بـ 30 إن شاء الله".
وتابع: "أنا
هقولك بالأرقام؛ المعلومة الأولى اللي حضراتكم تكونوا متأكدين في كل مكان أنه لا
علاقة لسعر صرف الجنيه المصري بقرارات الاحتياطي الفيدرالي الأمريكي؛ رقم واحد
أهدي بقى كده واستريح".
وأوضح: "أنا
بقولك الخلاصة أسعار الصرف للجنيه علاقتها باية حضرتك؟ بموارد واستخدامات النقد
الأجنبي في مصر يعني سعر الصرف حضرتك مش مرتبط بالفيدرالي الأمريكي؛ يعمل اللي هو عايزة
أمريكا عايزة توقع العالم؛ أمريكا انضربت ضربه في كورونا قالك اقفل المصانع
واقعدوا في بيوتكم وهنديكم فلوس".
وأكمل: "سعر
الصرف في مصر غير مرتبط بالفيدرالي؛ ما يعمل ويرفع زي ماهو عايز أنا مالي بيه؟ هي
مصر النهاردة كانت مستنية للنهاردة؟ مصر خدت إجراءات للسياسة النقدية".
واختتم: "ناس
عمالة تكتب على السوشيال ميديا؛ تلاتة أربعة خمسة يرعبوا الناس؟ دي ناس بتهبد؛
قعدوا يقولوا البنك المركزي هيعمل طيب البنك المركزي مش هيعمل حاجة
النهاردة".
