أحمد موسى عن عودة جماعة الإخوان: دول أعدائنا ولازم شوكتهم تنتهي

أكد الإعلامي أحمد موسى أن جماعة الإخوان الإرهابية تراهن اليوم على أن يهدر الشعب المصري وطنه تحت الضغوط الاقتصادية لافتا أن مشاكل الأسعار شيء وضياع الوطن أمر أخر.

وقال موسى خلال برنامج "على مسؤوليتي" المذاع على قناة "صدى البلد": "عندنا متاعب نعم؛ عندنا أسعار نعم ولكن عندك حاجة لازم تكون قدامك وهي مصر؛ قول زي مانت عايز؛ مش ممكن نرجع تاني أبدا للوراء ومش ممكن نرجع تاني لورا".

وأضاف: "شوف عملوا معاك أيه واستهدفك ازاي؛ الأسعار حاجة وبلدنا حاجة تانية وبيراهنوا أننا نضيع البلد تاني؛ أرجع إلى 2011 وسنة حكم جماعة الإخوان الإرهابية واتعلمنا بدل الدرس اتنين".

وتابع: "طول مانت مش مع الإخوان فهو مصنفك أنك عدو وهما كمان أعدائنا؛ لازم شوكة الإخوان تنتهي والشعب المصري كله كان في إفطار الأسرة المصرية فيما عدا جماعة الإخوان".

وأكمل: "لا يمكن نسمح للجماعة دي أنها ترجع مرة أخرى؛ طول حياتهم بيدورا على التمكين وعايز يرجع مرة أخرى ودا يبقي للأجيال؛ الأجيال اللي بتسلم بعض تبقي عارف خطر الإخوان عليك".

واختتم: "خلوا بالكم يامصريين ياشباب مصر؛ اللي عانتوا بلدكم خلال السنوات الماضية كان السبب فيه الإخوان؛ الشاطر قال احنا مدعومين من الأمريكان وهو كان مدعوم فعلا".