مصطفى بكري: لن ننسى دور توفيق عكاشة في ثورة 30 يونيو

أكد الإعلامي مصطفى بكري؛ أن هناك عدد كبير من الذين قدموا أدوار مهمة في ثورة 30 يونيو لافتا أنه لا يمكن نسيان دور حركة تمرد والشباب الذين طرحوا الفكرة.

وقال بكري خلال برنامج "حقائق وأسرار" المذاع على قناة "صدى البلد": "مش ممكن أبدا ننسى دور حركة تمرد اللي أتكلم عنها المسلسل ودور محمود بدر وحسن شاهين ومي وهبة وكثيرين وفاكر محمود بدر لما جالي بالاستمارة وقالي أحنا عملنا هذه الحركة وإن شاء الله تكون بداية مهمة جدا لأسقاط جماعة الإخوان".

وأضاف: "كل الناس كانت ملتفة وبدأت الفكرة عند محمود وبدأ ينشرها بين زملائه وعقد مؤتمر صحفي أعلنوا فيه أنهم وصلوا إلى 22 مليون في هذا الوقت".

وتابع: "مقدرش أنسي أدوار عديدة أخري؛ مقدرش أنسى دور توفيق عكاشة رغم خلافي معاه لما قابل السفير الإسرائيلي؛ مين ينسى دور توفيق عكاشة الراجل اللي حط روحه على كفه ونزل مؤتمرات وحضر معانا لقاءات كنا بنعقدها أنا وعادل حمودة وعبد الرحيم علي عشان نشوف ونعمل ايه".

واختتم: "يوم ما عثرنا على خطة اعلان حالة الطوارئ في البلاد وكلمت الزميلة ريهام وكان لازم تتذاع ومكناش لاقيين حد يذيعها وأذاعها توفيق عكاشة وبعدها اتوقف المخطط اللي كان بيعد ليه خيرت الشاطر".