أحمد موسى من قلب الشيخ زويد: متخيلين ظهوري هنا معناه إيه؟

أكد الإعلامي أحمد موسى؛ أن الوضع في شمال سيناء أصبح أمن لافتا أن القوات المسلحة نجحت في تطهير المدن من العناصر الإرهابية.

وقال موسى برنامج "على مسؤوليتي" المذاع على قناة "صدى البلد": " احنا في الشيخ زويد أنا مش مصدق نفسي؛ من الخيال أنك تبقى موجود هنا؛ فوق خيالك أن مش كنت كل يوم والتاني كنت بتسمع الحق الشيخ زويد وضرب في الشيخ زويد؛ احنا ماشيين فيها عادي".

وأضاف: "دا مجاش من فراغ؛ بنحمد ربنا ونشكر فضله إن عندنا رجالة ومقاتلين وأبطال؛ انتوا متخيلين ظهوري في الشيخ زويد أنا شخصيا معناها إيه؟ الرسالة لمن يعنيه الأمر بالتحديد؛ دي حكاية مختلفة تماما بالنسبالي اللي بعمله النهاردة تاريخ أخر".

وتابع: "بقولكم بشكل واضح يا مصريين؛ هي رسالة مهمة جدا من على الأرض؛ بالصوت والصورة أين الشيخ زويد الذين كانوا يتحدثوا عنها في قنوات التنظيمات الإرهابية؛ أدي الشيخ زويد والبيوت والسكان والأطفال ماشيين والأطفال بيحيوا عربيات القوات المسلحة".

وأكمل: "في ناس سابوا بيوتهم واللي كان قاعد كان شايف التنظيمات رايحة جاية؛ الأمن والأمان دلوقت والمشهد في كل الاتجاهات الناس والأهالي وسيدات وأطفال؛ واللي واقف مستني مواصلات على الطريق".

وأوضح: "اللي كان موجود هنا كانوا هما اللي موجودين؛ يروح قاطع الطريق وعاملة تفتيش ويصور ويبعت للقنوات بتاعتهم وعامل نفسه حاكم؛ عصابات الإرهاب كانت بتعمل كدة".

واختتم: "الإرهابيين تعرضوا لضربات لم يتوقعوها؛ اليوم غير موجود من قيادات الإرهاب إلا الصف العاشر؛ قبل كدة لو كان أنضرب أو اتقتل قيادات كانت تلاقي الضعف انضموا؛ دلوقت لو اتقتل واحد مفيش واحد بينضم لأنك عمل تجفيف للمنابع ومصادر التمويل والتسليح والتجنيد".