أحمد موسى يكشف كواليس زيارته إلى مدن شمال سيناء

وقال "موسى" خلال برنامج "على مسؤوليتي" المذاع على قناة "صدى البلد": "حلقتنا من رفح والشيخ زويد وكان مستحيل أن حد يروح هناك، وشمال سيناء اللي كنا نسمع عنها سنتابع بعد دقائق عشان نعرف ما الذي حدث؛ هتسمعوا الحاجات اللي أنا بتكلم عليها ومناطق كان صعب جدا حد يدخل في المنطقة؛ مش إعلامي ولكن الأهالي سابوا بيوتهم".

وأضاف: "الجيش لما نجح في تطهير هذه المناطق؛ مفيش عندك اللي كان يحدث لحد 2017-2018، ومش هتلاقيه تاني، وأنت نجحت في التطهير بدليل إن الأهالي راحوا وأنا رحت".

وذكر: "أنا شفت الحدود الدولية بعيني وأنا في نجع شبانة والمهدية؛ هتشوفوا النهاردة الناس لما رجعت بيوتها، وأما رجعت تزرع الأرض وأشجار الزيتون بدأت تنمو؛ الإرهابيين كانوا حولوا الأرض لصحراء ولكن بفضل الرجال اللي بيشتغلوا ساعات الليل والنهار رجعت الأمور لطبيعتها".

واختتم: "بتكلم على دولة كبيرة جدا وجيش كبير وعظيم؛ حضرتك مش ممكن تتخيل حجم المشروعات اللي بتتم على الأرض؛ شبكة طرق قومية في سيناء وشبكة الأنفاق التي نفذت؛ جامعات ومدارس ومنشآت تعليمية وصحية موجودة ومتوفرة؛ دي الرسالة أن أنت النهاردة مش سايب سيناء وسيناء في قلب الـ100 مليون".