أحمد موسى: الإخوان هددوا مرسي وأسرته بالقتل

أكد الإعلامي أحمد موسى؛ أن الرئيس عبد الفتاح السيسي وجه النصح إلى الرئيس المعزول محمد مرسى حين كان وزيرا للدفاع لافتا أنه طلب منه الابتعاد عن جماعة الإخوان.

وقال موسى خلال برنامج "على مسؤوليتي" المذاع على قناة "صدى البلد": "النهاردة شفنا الاختيار وحطينا إيدينا على حاجات؛ الرئيس بينصح محمد مرسي؛ نصحه أكتر من كدة محتاج إيه؟ أنت رئيس جمهورية ووزير الدفاع بيقولك خطة عمل عشان البلد دي تستمر وميبقاش فيها مشاكل أدي الخطة بنقولها أهو".

وأضاف: "توجه الفريق أول عبد الفتاح السيسي إلى مرسي العياط في قصر الاتحادية ومعاه اللواء محمد العصار مساعد وزير الدفاع؛ راحوا لمرسي في زيارة مهمة يقوله نصايح؛ وزير الدفاع مكانش عايز مرسي يغرق".

وتابع: "النصايح النهاردة اللي احنا بنشوفها؛ وزير الدفاع رايح لمرسي رايح ينصحك ويقولك خلي بالك؛ أفصل بين مكتب الإرشاد والرئاسة وسيبك من الإخوان وكانت نصائح مهمة جدا".

وأكمل: "كل ما جري وما جاء على لسان الرئيس وهو يتحدث دقيق 100% والمشهد دة حدث بالفعل مفيش حاجة لازدات ولا نقصت والنصايح دي تمت محدش يقدر ينكرها؛ رايحين ننقذ البلد وكانت دعوة صريحة من الفريق أول عبد الفتاح السيسي لمرسي العياط ونحمد ربنا أنه مسمعش النصايح".

واختتم: "لو كان سمع النصايح مكانش الموضوع بقي كدة؛ قاله تخلى عن الجماعة وابعد عن الإخوان؛ مرسي قاله مش هيسيبوني؛ الإخوان هددوا محمد مرسي نفسه بالقتل؛ محمد مرسي كان يتمنى يسيب الإخوان لكن مكانش عنده القدرة؛ كانوا هيتخلصوا منه هو وعيلته".