انتصار توضح حقيقة تصريحاتها بشأن "تقبيل" ابنتها في الأعمال الفنية

أكدت الفنانة انتصار؛ أن البعض لا ينظر إلى تصريحاتها الإيجابية موضحة أنهم ينتظرون هفوة أو خطأ ليتم استغلالها وتحويلها إلى "تريند" من أجل تحقيق مكاسب.

وقالت انتصار في مقابلة مع برنامج "العرافة" المذاع على قناة "المحور": "أنا مش بلجأ للتريند وبحتقر التريند واللي بيلجأوا للتريندات؛ لازم تبقي أقوى من التريند".

وأضافت: "بياكلوا بيها عيش؛ عايزة تبقي تريند بكرة؟ تدفعي فلوس؛ يعني أيه أنا تريند النهاردة وعلى فكرة أي حد بيعمل أي حاجة غريبة بيبقي تريند".

وعن تصريحها بشأن موافقتها تقبيل ابنتها في الأعمال الفنية قالت: "المعدين اللي مش بيتحروا اللي بتكتب واللي قاعدين على المواقع؛ اللي بيشقطوا أي خبر وحاطينه؛ أنا قلت إن بنتي عايزة تمثل تمثل؛ والمذيع قالي هل تقبلي أن بنتك تتباس؛ وأنا قلت لما تبدأ تمثل هتبقي كبيرة وناضجة أن هي تفكر تتباس أو لا في دور أو فيلم".

واختتمت: "أنا قدها كنت بقرا الورق لوحدي ومكنتش باخد رأي بابا وماما في الموضوع؛ لكن أنا لا أقبل إن بنتي تتباس في الأعمال الفنية".