دينا الشربيني توضح حقيقة طردها حسن أبو الروس من مهرجان الجونة
نفت الفنانة دينا الشربيني؛ أن تكون قد طردت
الفنان حسن أبو الروس من مهرجان الجونة السينمائي مؤكدة أنه لم يحدث أي خلافات على
الإطلاق.
وقالت الشربيني في مقابلة مع برنامج
"حبر سري" المذاع على قناة "القاهرة والناس": "أنا مين
عشان أطرد حد من مهرجان؛ أنا معرفش الكلام دة جه منين".
وأضاف: "خطفت منه الموبايل وقلتله سيبني
في حالي؟ محصلش يا جماعة دا طيب خالص عمري ما أعمل كدة مع أي شخص حتى لو مضايقني؛
مفيش أي مشكلة حصلت بينا ومراته صاحبتي جدا هي وأختها".
وتابعت: "اللي أنا ممكن أقبله أن حد
ينتقدني على شغلي ولكن حد ينتقد على لبس لا؛ أفهم أن حد لما يبقى شغلته النقد على
عمل معين ليه كامل الحرية انما انتقاد لشخص على شخصه لا".
وأكملت: "أنا مش بيفرق معايا التريند؛
في بعض الناس عندها هوس؛ حد من اللي ماسكين معايا السوشيال ميديا قالي في ناس
بتدفع فلوس عشان تطلع تريند".
واختتمت: "حاجة غريبة أنك تدفع فلوس
عشان تشتري كدبة وبتشوف الموضوع في الحقيقة؛ فعلا الناس بيحبوكي؟ بيتفرجوا عليكي؟ الناس
مبسوطة باللي عملتيه والا لا".
