أحمد موسى يكشف تفاصيل تعرضه لمحاولة اغتيال

كشف الإعلامي أحمد موسى؛ عن تفاصيل إنقاذه من محاولة اغتيال في الفترة التي أعقبت رحيل جماعة الإخوان الإرهابية عن السلطة في مصر.

وقال موسى خلال برنامج "على مسؤوليتي" المذاع على قناة "صدى البلد": "وزير الداخلية كلمني؛ التليفون بيرن لقيت اللواء محمد إبراهيم وزير الداخلية قالي أنت فين قلتله في التلفزيون قالي خليك عندك متتحركش".

وأضاف: "قالي في تنظيم مسكناه ناقص بس أنه ينفذ؛ فمتتحركش هبعتلك ناس عشان التأمين والكلام دة؛ بالمناسبة بدل المرة عدة مرات؛ فضيلة المفتي الدكتور شوقي علام يقولي كل ما ألاقي ملفات اللي بتروحله عشان الاعدامات ألاقي اسمك موجود".

وأضاف: "دا نتيجة لأية؟ أن كنا مش بنطبط عليهم وعارفيهم أنهم خطر على الشعب المصري؛ النهاردة في المسلسل بيقولك ايه لازم يكون في حرص لأنه ممكن يرجع".

واختتم: "لازم نخلي بالنا؛ مهو قعد 90 سنة وفي الاخر عمل ايه؟ خد البلد باللي فيها؛ هو في حد بيعمل عشر تفجيرات في اليوم؟ هو اسقاط الدولة بيجي ازاي لما تضرب جيشها ومؤسساتها تحصل هزة في المجتمع ورعب؛ بس دة في جهد هائل اتعمل القوات المسلحة والشرطة وأجهزة المعلومات".