منتقدًا وقف استيراد سلع شركات أجنبية.. عمرو أديب: رفقًا باقتصاد الدولة

وقال "أديب" خلال برنامج "الحكاية" المذاع على قناة "أم بي سي مصر": "أبل ويونيليفر معندهمش أيزو؛ أنت عايز أبل ويونليفر تجيب لك شهادة جودة !".

وأضاف: "في حاجة اسمها حرية التجارة؛ لو أنك لا تريد الاستيراد اقفل خالص؛ أنا بدافع عن مبدأ حرية التجارة؛ وأنت مثلًا هتروح تقول لمرسيدس هاتلي شهادة جودة؟، هما اللي عملوا الجودة"، مضيفًا: "السيدة وزيرة الصناعة تريد أن تقوم بشغلها؛ وقالت الورق عدى عليه وقت ولم يجدد؛ في دول جنبنا هتقول له أهلا وسهلا؛ الصورة اللي حصلت في الـ 24 ساعة دي أيه؟، الشكل أيه؟، ليه نروح ونيجي ونشرح ونقول ما هو مش كله".

وأكمل: "ليه ده كله؟، البلد لا تحتاج لمثل تلك القرارات، البلد البيروقراطية فيها تئن؛ جزء كبير من الدول التي أوقفت عدد من شركاتها واقفة بجانبنا، وكان ممكن نبلغ بشكل ودي، رفقًا بالاقتصاد والدولة".