أحمد موسى عن تسريب أبو الفتوح: شوفوا بيقولوا إيه عن بعض في الغرف المغلقة؟

علق الإعلامي أحمد موسى على التسريب الذي أذيع لمرشح الرئاسة السابق عبد المنعم أبو الفتوح حول استبعاد حازم صلاح أبو إسماعيل من الانتخابات الرئاسية عام 2012 بسبب جنسية والدته.

وقال موسى خلال برنامج "على مسؤوليتي" المذاع على قناة "صدى البلد": "طلع أبو الفتوح قالك لو حازم أبو إسماعيل حكم مصر تبقى كارثة وقالك كويس أوي أن أمه أمريكية وقالك مكنتش أعرف بس كويس أنها طلعت أمريكية".

وأضاف: "قال أنا قابلت حازم أبو إسماعيل وقلتله مينفعش اللي بتعمله دة وبالمناسبة هما الاتنين في السجن دلوقت ومتعرفش لو أبو الفتوح اتقابل مع أبو إسماعيل في السجن؛ كنت أتمنى يتقال لحازم عبد المنعم أبو الفتوح بيقول عليك كذا على الأقل يبقي عارف".

وأضاف: "تخيل الحوار بين حازم وعبد المنعم أبو الفتوح أو حوار بين الشاطر وأبو الفتوح في السجن؛ حط خيالك زي مانت عايز؛ دا بيقول لحضراتكم هما الناس دي شايفين بعض ازاي في الغرف المغلقة؛ الحقيقة بتقول الكلام اللي جواك مش الكلام اللي بتقوله للاخوان وانت قاعد معاهم".

وأوضح: "بالمناسبة كان هو ضد أن أبو أسماعيل يبقي برة الانتخابات الرئاسية؛ وهو طلع في أحد البرامج وقال أزاي يمشي حازم أبو إسماعيل عشان جنسية أمه؛ شوف قال إيه في الغرف المغلقة".

واختتم: "أبو الفتوح لما كان الغرب حابينه وعايزين أبو الفتوح لو كمل؛ وعشان هو بيلعب على كل الاحبال متعرفش تمسكه؛ واللي يعرف تاريخ أبو الفتوح يعرف أنه اخواني وأنه لم يغير أبدا حبه للجماعة والتنظيم".