أحد المواطنين المصابين في هجوم نيويورك يروي تفاصيل ما حدث
كشف كريم عاطف؛
تفاصيل إصابته في الهجوم الذي وقع داخل أحد قطارات الأنفاق في نيويورك والذي نفذه
مواطن أمريكي.
وقال عاطف في
مداخلة هاتفية مع برنامج "الحكاية" المذاع على قناة "أم بي سي
مصر": "كنت في عربية المترو والراجل كان على شمالي وبيني وبينه 2-3
متر".
وأضاف: "كان
في بنت قاعدة جنبه بعد الباب ما اتقفل لقيت البنت بتصرخ ولقيته حدف قنبلة وشفت
الدخان بيكتر ومفيش حاجة باينه وقمت أمشي قدام واحاول أنقذ نفسي وأنا ماشي حسيت أن
في كهربا في رجلي متوقعتش انه رصاص وقلت ده ماس كهربائي".
وتابع: "بعد ما
مشيت تاني لقيت ضرب نار وبدأت أتحرك لقيت أني مش حاسس برجلي كان بيضرب 9 مللي وأنا
كان صعبان عليا أن في أطفال رايحة المدارس وجميع الجنسيات".
وأوضح: "شفته
للأخر وفي الاخر المسدس باظ منه أو في حاجة حصلت وقف ضرب نار وأنا في اللحظات دي
مستني وكنت سلمت أمري لله وحبيت أقابل ربنا أني كنت صايم ومصلي الفجر وكل الناس
سلموا أمرهم لله".
وأكمل: "الحادثة
استغرقت 15 دقيقة وأنا حبيت أني أخرج أخر واحد حاولت أمشي وبدأت أزحف رحت واقع على
الأرض وكان في قطر تاني على نفس الطريق وتقريبا مش عايز يمشي ألا لما التاني يعدي
ومفيش اتصال بين الركاب وقائد القطر وشفت ناس كتير وقعت جنبي".
واختتم: "حسيت
بالأمن والأمان اللي بلدي ادتهولي وأنا برة دا اللي خلاني أحسن بالأمان بعد الإصابة
وأحب أشكر الرئيس السيسي وتلقيت اهتمام غير عادي من الدولة ومكالمة من وزيرة
الهجرة وبعد ما خلصت العملية وجدت السفيرة في الغرفة وكل يوم في تواصل".
