السيسي للمحافظين: الأزمة العالمية هتطول ولازم نتواجد في الشارع بجانب المواطن لضبط الأسعار| فيديو
علق الرئيس عبدالفتاح السيسي، أمس الثلاثاء، على قضية ارتفاع الأسعار وحالة الغلاء التي يعيشها المواطن المصري من أكثر من شهرين.
وقال الرئيس عبد الفتاح السيسي خلال تفقده مركز عمليات التحكم والمتابعة للشبكة الوطنية للطوارئ والسلامة العامة، موجها حديثه للمحافظين: نحن نحتاج الآن أن نبقى متواجدين على الأرض بنسب كبيرة أوي، فمشكلة المواطنين توجه لنا إحنا كمسؤولين، وعلينا أن نسمع منهم، لأنهم هيقولوا لمين غير لينا، بالتالي نبقى إحنا نبضهم في الشارع، ونبقى شايفين الدنيا عاملة إزاي.
طالب الرئيس عبد الفتاح السيسي المحافظين بالتواجد فى الشارع مع المواطنين لضبط الأسعار، بنتكلم في التواجد في الشارع وعشان ضبط الأسعار، ودي القضية اللي محتاجين نضغط فيها دلوقتي، وبقول الكلام دا لكل السادة المحافظين، أبقى أنا متواجد بالفعل في الميادين والأسواق الرئيسية وأشوف الأسعار بكام، واحنا كدولة نتحرك عشان نعمل تعزيز للمنتجات الموجودة وطول ما فيه وفرة، طول ما فيه فرصة الأسعار تبقى مضبوطة.
وشدد الرئيس السيسي خلال حديثه للحافظين قائلا:" أنا لا أتحدث عن تواجد السلع سواء أساسية أو غير أساسية من عدمه، ولكن بتكلم في التكلفة، وزي ما قلت لمحافظ بورسعيد، الأزمة الموجودة في الخارج قد تطول، وأثارها هتبقى موجودة معانا، ولازم نبقى شايفين ده ونتعامل معه، مش على قد أنه توفر دلوقتي أو تظبط الأسعار دلوقتي، وعاوزين يبقى عندنا تصور دلوقتي وفي الشهور القادمة، وتظبط الأسعار دلوقتي والشهور القادمة، لأن هذا عبء على الناس، لما المواطن يبقى جنب منه في الشارع يقول دا شايفني وحاسس بي، أنا بقول الكلام دا لكل الناس، واحنا كدولة نتحرك عشان نعمل تعزيز للمنتجات الموجودة وطول ما فيه وفرة، طول ما فيه فرصة الأسعار تبقى مضبوطة.
وأشار الرئيس السيسي، إلى ضرورة أن يكون هامش الربح في السلع معقولا، وبدون مبالغة في المكسب بالنسبة للتجار، حتى لا يشكل ذلك عبئا على المواطنين.
جاء ذلك خلال تفقد الرئيس عبدالفتاح السيسي مركز عمليات التحكم والمتابعة للشبكة الوطنية للطوارئ والسلامة العامة.
وقال السفير بسام راضي المتحدث الرسمي باسم رئاسة الجمهورية، بإن الرئيس استمع إلى شرح تفصيلي بشأن المركز، الذي يطبق أحدث المواصفات التكنولوجية، حيث يعد المركز مكوناً هاماً لتعزيز منظومة الطوارئ والسلامة العامة من خلال التواصل السريع مع مختلف المحافظات، وربط جميع عناصر الطوارئ والمرافق الحيوية، وتلقي البلاغات بأنواعها المختلفة من المواطنين، بما يواكب أحدث النظم المتبعة عالمياً في هذا الإطار.
