الاختيار 3.. تسريب جديد لخيرت الشاطر عن دخول عناصر من القاعدة إلى مصر
شهدت الحلقة العاشرة من مسلسل "الاختيار 3"، عرض تسريبا موثقا بالصوت والصورة، للقيادي الإخواني خيرت الشاطر.
تفاصيل تسريب خيرت الشاطر عن دخول أفراد من تنظيم القاعدة لمصر فى الحلقة 10 من الاختيار 3
وفي "الاختيار 3 الحلقة 10"؛ قال الشاطر في التسريب: "المجموعات الرئيسية اللي كانت بتدعم حازم، هو فيه مئات الألوف على مستوى الجمهورية في المحافظات، يعني في مطروح في كفر الشيخ في دمياك السلفية الشعبية بتتبناه، وجزء من سلفيين القنوات الفضائية، هم دول مش منظمين يعني مش جسم يقدر يجمع ويعمل شغل كبير، إنما فيه مجموعات خطر، في مجموعة عبد المجيد الشاذلي أو مجموعات القطبيين أو السلفية الجهادية دول خطر حقيقي، حتى لو قليلين في العدد، لأن دول بشكل أو بآخر يتبنوا فكرة العنف، وهم عندهم نظرية موجودة بتقول إننا نقفز على الحكم والسلطة، وده تعديل في استراتيجياتهم السابقة، يعني إن هو يبقى جزء من الإصلاح من فوق من وجهة نظرهم بشكل أو بآخر".
أضاف: "عبد المجيد وجه نداءً يعني الشهر اللي فات لبعض مجموعات القاعدة والناس بتاعت العنف اللي بره إنهم ينزلوا مصر، والمعلومات اللي عندنا إن نزل شوية بس مش شوية كتير، يعني ممكن 30 - 40 شخص في ظل الهيصة الموجودة في البلد والأمور مش محكومة زي الأول على مستوى أمن الدولة والأجهزة المختلفة، وممكن يبقى في تفكير في إحداث عملية تفجيرات حتى لو محدودة يعني، أو أعمال عنف محدودة، فلو ده توافق مع سكون عبد الإخوان كمان تبقى كارثة، يعني يبقى الجوه نفسه كله مهيأ، لأن أنا لو نزلت بمليونية وجه عندي صوت طب اطلع بقى على المكمة الدستورية أو اللجنة العليا للانتخابات أو انزل على مجلس الدفاع نفسه أو وزارة الدفاع شوف هم بيعملوا كده إزاي والثورة وده إنتاج للنظام القديم، وأنا قلقان من أن الفترة الجاية تلجأ للعنف حتى لو على نطاق صغير، يعني مش لازم يبقى يقلب الدنيا ولا خطر، بس ما هنرجع لأجواء 92 وأجواء تانية كان خمسة ستة في حتة بيعملولنا فرقعة في المتحف ولا في حاجة بتعملنا إزعاج".
يهمك أيضًا | مواعيد عرض مسلسل الاختيار 3 فى رمضان 2022
"الاختيار 3" بطولة الكثير من النجوم: ياسر جلال، أحمد السقا، كريم عبد العزيز، أحمد عز، خالد الصاوي، وصبري فواز وغيرهم، من إخراج بيتر ميمي.
