عمرو أديب عن تسريب مسلسل الاختيار: اللي شفناه تاريخي
علق الإعلامي عمرو أديب؛ للتسريب الذي عرض خلال مسلسل
"الاختيار3" حول اجتماع بين الرئيس المعزول محمد مرسي والرئيس السيسي
حين كان رئيس للمخابرات الحربية والمشير طنطاوي وزير الدفاع الأسبق.
وقال أديب خلال برنامج "الحكاية" المذاع على
قناة "أم بي سي مصر": "اللي احنا شفناه دة دلوقتي تاريخي واللي
اللقاء بين الرئيس عبد الفتاح السيسي والمشير طنطاوي والرئيس مرسي بيقول أشياء
كثيرة".
وأضاف: "أنا مشفتش الرئيس طنطاوي في لحظات مواجهة؛
أنا أول مرة أشوفه في موقف مواجهة صوت وصورة وهذا أمر لكل الناس اللي بتقول
المسلسل مطلع الجيش أبطال ودي مكانتش الحقيقة".
وتابع: "مكانش في حد يقدر يرفع صوته في وش خيرت
الشاطر ومرسي؛ لا دا كان ناقص يقوله كذا؛ المشير طنطاوي كان قويا وحائط صد؛ مفيش
توازن ولا تنازلات ولا هزار أنا بقولك لا ومفيش حاجة مش هتنفع".
وأوضح: "قاله أنا مقدرش الغي القرار والمحكمة هي
اللي طلعت القرار وأنا مش هعمل الكلام دة وأنت غلط؛ أنت بتشوف تاريخ صوت وصورة
وبتشوف موقف قوي جدا ورد إلى نهاية الشهر على أي حد يقولك أنتوا بتطلعوهم أبطال".
وأكمل: "الجيش المصري ليس ضعيفا وهو قوي بقوة الشعب
وهو جيش الدولة وليس جيش الرئيس؛ مرسي متخيل انها تنطبخ ومرسى بيقوله أنا عندي
ترتيبات وكان ناوي يطبخها
واختتم: "الله يرحمه المشير طنطاوي إيه القوة دي وطبعا
مكانش ممكن يبقي موجود لأنه كان واضح؛ وقاله الشعب قاله أي شعب؟ ودا اللي كان
فاهمة الجيش من الأول أن الجماعة ليست الشعب".
