صابرين تكشف تفاصيل هجوم العرب على طاقم عمل مسلسل "حلم الأسمرات"

أكدت الفنانة صابرين؛ أن طاقم مسلسل "حلم الأسمرات" تعرض للهجوم لافتا أن المشكلة تسبب فيها الإنتاج الذي لم يدفع ما اتفق عليه مع العرب من سكان المنطقة في ضواحي أكتوبر.

وقالت صابرين في مقابلة مع برنامج "العرافة" المذاع على قناة "المحور": "في ضواحي أكتوبر في الصحراء بيكون في عرب وهما حاميين المنطقة يعني وقالوا للإنتاج عشان تصور في المكان دة لازم تدفع فلوس والإنتاج مدفعش".

وأضافت: "أنا فجأة لقيتهم جايين عليا ومكانش معايا غير السواق والكاميرات محطوطة على العربيات؛ أي ست طبيعية مفروض تخاف ولكن أنا مبخافش وعارف أن القواعد عند العربوية دول مش بيجيوا على الست".

وتابعت: "أنا نزلت من العربية قلتلهم في ايه؟ وادتهم الكاميرات وجريت وهما بقي يتصرفوا بقي مع الإنتاج بس هما اتصالحوا بعد كدة".

واختتمت: "في بداية المسلسل كنا كويسين وبعدين حصل مشكلة لما نزل التتر وقلت للمخرج بيني وبينه على الموضوع؛ اتحطيت أول أسم ولكن بشكل كدة مش لذيذ".