عمرو أديب: "اللي عملناه مع السنغال في مصر غلط.. الجمهور الكيوت مش عايزينه"

أكد الإعلامي عمرو أديب؛ أن هناك أمور تعلمها من خسارة المنتخب الوطني أمام السنغالي وضياع التأهل إلى نهائيات كأس العالم.

وقال أديب خلال برنامج "الحكاية" المذاع على قناة "أم بي سي مصر": "الماتش اتعلمت منه حاجتين فكرة لما يبقي في ماتش حساس أننا نبقي محترمين ونوفر للفريق الضيف الهدوء في الأوتيل كل دة غلط السنغال معملوش كدة".

وأضاف: "السنغال عملوا كل الموبقات والأشياء السيئة و50 ليزر في وش اللاعيبة انما فكرة الفير بلاي مينفعش وأنا بقول للسنغال حار ونار في جتتتكم أنتوا موصلتوش بالعدل أنتوا وصلتو بالظلم وبكل الأشياء اللي ملهاش علاقة بالرياضة".

وتابع: "بعد كدة لما يبقي في ماتش حساس بلاش أصل مصر استقبلت أصل مصر مش عارف ايه لا احنا عايزين نكسب والجمهور الكيوت اللطيف احنا مش عايزينه احنا عايزين وحوش".

وواصل: "احنا ناخد كاس البسالة وهما يروحوا كاس العالم واحنا ناخد كأس الأخلاق وهما يروحوا يلعبوا مع الفرق الكبيرة؛ بعد كدة لما نعوز نكسب ماتش هنكسب ماتش".

واختتم: "السنادي أننا طلعنا بلا حمص؛ احنا منتخب مصر خرجنا من المولد بلا حمص أخوانا في اتحاد الكرة بيحاولوا انقاذ ما يمكن إنقاذه وبيحاولو أن الفريق مينهارش وأنهم يبنوا فريق للمستقبل".