كهربا يوجه رسالة لإدارة وجمهور الزمالك.. ويكشف رأيه في أحرف لاعب بمصر
وجّه اللاعب محمود عبد المنعم كهربا، لاعب الأهلي المعار لنادي هاتاي سبور التركي، رسالة لإدارة النادي الزمالك وجماهيره بعد اتهامه بالجحود ونكران الجميل، قائلاً: أنا بحبهم جدا رغم إساءات كتير كانت بتحصلي الفترة الماضية، وبقولها دايما أنا بحبكم وهي دي الكرة وأنا عمري ما غلطت فيكم في برنامج أو في أي حتة.
وردًا على سؤال بأن كهربا ممكن يرجع الزمالك مرة أخرى، قال كهربا خلال حواره ببرنامج حبر سري على قناة القاهرة والناس مع أسما إبراهيم: "لا صعب، لأني رسمت طريقي مع النادي الأهلي، والأمر من الطرفين، فصعب جدًا عودتي للزمالك.. أنا هفضل أحبهم وهم خيرهم عليّ.. والجمهور والإدارة هفضل أحبهم طبعًا".
وأضاف كهربا: "شيكابالا أحرف لاعب في مصر.. دي حقيقة، شيكابالا حريف بصراحة، ودي حقيقة محدش يقدر ينكرها"، مضيفًا: "القاضية ممكن في حتة تانية.. دي قضت على كل حاجة، ورمضان صبحي لاعب كبير برضو.
وعن سبب أن شيكابالا لم يحقق ما حققه لاعبون أقل منه، قال: "ممكن المشكلة في الفريق محدش ساعده، لأن الفريق علشان يكسب لازم الفريق ككل، لكن المجموعة اللي معاه ممكن ما ساعدتهوش.
