منة عرفة عن طلاقها: لم يتم رسميًا حتى الآن

ذكرت الممثلة منة عرفة، أنها لم تنفصل رسميًا حتى الآن عن زوجها، موضحة أنها تسير حاليًا في إجراءات الطلاق لأن الأمر يتطلب الانتهاء من تشابكات كثيرة.

وقالت "عرفة" خلال مقابلة مع برنامج "سابع سما" المذاع على قناة "النهار": "أنا زعلانة من نفسي شوية لأني قصرت في حاجات كثيرة؛ المرحلة الماضية كانت صعبة، مفيش حد يحب يتعلق بحد، وبعدين الموضوع لا يكتمل؛ أنتي لو ربيتي قطة وماتت هتزعلي ما بالك ببني أدم؟".

وأضافت: "على فكرة أنا بحبه جدا وأكن له كل الحب والاحترام، وفي 15 أبريل يكون مر علينا سنة؛ الطلاق محصلش رسمي احنا في إجراءات الطلاق في تفاصيل لازم نخلصها، وفي بيزنس بين الأهل والحاجات دي".

وتابعت: "في حاجات كتير حصلت ولما براجعها بقول يالهوي كل ده حصل في سنة؟، أنا حياتي مش مملة أبدا ومش كلها حاجات وحشة وحياتنا؛ فكرة رجوع أو لا بتاعه ربنا، ولكن أنا جوة نفسي أنا مش بكرهه، هذا شخص عشت معه حاجات كثيرة أوي".

واختتمت: "أنا عشان في الدائرة دي من وأنا صغيرة، تعاملت أن في حاجات مينفعش أرد فيها وأن ساعات احتفظ برأيي لنفسي؛ محمود شخص عفوي جدا".