إلهام شاهين عن انتقادات أحمد فلوكس: "نفسيا مش متظبط"
أكدت الفنانة إلهام شاهين؛ أنها لن ترد
على انتقادات أي فنان؛ موضحة أنها أخذت على عاتقها منذ سنوات طويلة أن تكون محامي
الفنانين وأنها لا تريد أن تخطئ في أي زميل.
وقالت شاهين في مقابلة مع برنامج
"العرافة" المذاع على قناة "المحور" عن انتقادات الفنان أحمد
فلوكس: "بتدوله أكتر من أهميته بصراحة وأنا قلت مش هرد على أي فنان؛ أنا
مغلطش في أحمد زاهر أنا قلتله متخلطش الموضوع بالدين لكن مشتمتوش".
وأضافت: "أنا مقدرش أغلط في أي
زميل؛ الموضوع عامل زي لما حد بيعمل فتنه أو حرب أهلية؛ أن الفنانين يهاجموا بعض
فيصفوا بعض فأنا مش هرد على أي فنان".
وتابعت: "أنا مش هرد على أي فنان
يغلط لأني بدافع عن أهل الفن؛ يمكن هو قال كدة عشان الأضواء بعدت عنه شوية وبعدين
قالولي أنه اعتزل ومبقاش فنان يمكن نفسيا مش مظبط وفي حاجات مضيقاه".
واختتمت: "أنا بقوله الله يكون في
عونك وربنا معاك وعمري ما هكون ضدك؛ أنا بيصعب عليا الفنانين وهو صعبان عليا بجد
ولو تعبان من أي حاجة ربنا معاه".
