إلهام شاهين: "لو ربطنا كل شيء بالدين مش هنعمل حاجة"

أكدت الفنانة إلهام شاهين؛ أن مشكلتها مع التطرف الديني موضحة أنها لا تقبل أن يفرض الأخرين أرائهم عليها وأن يحاسب البعض الأخرين على دينهم.

وقالت شاهين في مقابلة مع برنامج "العرافة" المذاع على قناة "المحور": "لو أنا قدمت دور بيعمل حاجة حرام؛ أنا طالعة داعشية في مسلسل ودي حاجة حرام هتقول أن الهام شاهين هي اللي بتقتل؟ لو ربطنا كل حاجة بالدين يبقي منعملش حاجة خالص ونطلع ملايكة وميبقاش في رسالة بنقدمها".

وأضافت: "مشكلتي مع التطرف الديني وأن الناس تجبر الاخرين على أنهم يبقوا زيهم؛ أنا رأيي غير رأيك أنا حرة وأنت حر وربنا هيحاسبنا كلنا؛ ومحدش يتمنظر أنه متدين أكتر من التاني".

وتابعت: "الخراب اللي جالنا من السوشيال ميديا أن كل الناس نصبت نفسها نقاد على كل شيء؛ كل واحد يخليه في حاله؛ ربنا في القرأن قال من شاء من يؤمن ومن شاء من فليكفر؛ مش أنا اللي أقول وفي الأخر ربنا اللي بيحاسب".

واختتمت: "علاقة الشخص بربنا تخصه؛ ومحدش يربط الدين بالفن؛ أنا أكتر واحدة صريحة ومش منافقة وفي جزء منافق وفي ناس بتقول في القعدات الخاصة كلام وقدام الناس كلام ويقولك حفاظا على مشاعر الناس".