أمير كرارة يكشف عن الكوميك الذي أغضبه

عبر الفنان أمير كرارة؛ عن استيائه من كوميك منتشر على وسائل التواصل الاجتماعي مأخوذ من مسلسل الاختيار الجزء الأول والذي جسد خلاله شخصية الشهيد أحمد المنسي.

وقال كرارة في مقابلة مع برنامج "حبر سري" المذاع على قناة "القاهرة والناس": "العمل دة لن أقبل أن في أي حد يتريق عليه لأنه كان بيجسد شخصية البطل اللي منجيش ربعه وهو أحمد المنسي".

وأضاف: "اتريق عليا في أي حاجة لكن هتتريق على أحمد المنسي لا مسمحلكش؛ وأي حد مكاني هيقول كدة ومش موضوع شهامة ومستحيل أن حد يضحك على كدة".

وتابع: "أنا بعتبر شخصية أحمد المنسي كرم كبير من ربنا مكنتش أحلم بيه وبشوف أن ربنا أدني دور زي دة؛ الحمد لله جدا أنا مبسوط الدور دة فرق معايا نفسيا ومعنويا ونظرة الناس ليا بقي فيها حب واحترام وتقدير".

وأكمل: "الناس بقت تربطني بمنسي والظباط في القوات المسلحة كانوا بيشوفوا أني أديت الدور بشكل يليق بيهم؛ أنا تعبت في الدور وصدقته لكن مكنتش متخيل رد الفعل".

واختتم: "المسلسل بالنسبالي كان نقطة تحول كبيرة ولا أتمنى أني أعمل حاجة تانية كبيرة زي دي والموضوع نظرة الناس لما بعمل حاجة محترمة وعشان كدة عمري ما بتأخر عن حاجة زي دي".