مصطفى بكري: محتاجين تعديل وزاري.. فيه ناس عبء على النظام

أكد الإعلامي مصطفى بكري؛ أن البلاد تحتاج إلى تعديل وزاري في الوقت الحالي لافتا أن هناك مسؤولين لا يعملون بالقدر الكافي الذي تحتاج إليه الدولة.

وقال بكري خلال برنامج "حقائق وأسرار" المذاع على قناة "صدى البلد": "واحنا بنبني واحنا ماشيين خلينا نشرك كل الناس معانا أحنا داخلين على انتخابات في 2024 وعايزين يكون عندنا كوادر ونبني كيان في المحليات وقولنا عايزين نعمل انتخابات المحليات طالبنا في مجلس النواب أكتر من مرة يا جماعة عايزين نعمل انتخابات المحليات أنا مش عارف ليه متعملش".

وأضاف: "زي مانا لحد دلوقت مش عارف ليه مفيش وزير صحة مع احترامي للدكتور خالد عبد الغفار بس مينفعش ياخد وزير التعليم العالي ووزير الصحة في وقت أنا محتاج فيه الصحة".

وواصل: "هتجيب وزير دولة لشؤون الإعلام والا مش هتجيب؟ قولولنا؛ هل هي تجربة ناجحة والا مش ناجحة في حاجات كتير منطنش عليها وفي حاجات كتير محتاجين نعملها".

وأوضح: "قلنا أكتر من مرة على التعديل الوزاري محتاجين مش كل الوزراء زي بعض ومش كل المحافظين شغالين زي بعض وفي ناس مبتشتغلش الناس دول عبء على النظام والكلام دة لازم يتقال ويتفهم والدولة دي مش دولة فلان والا علان".

وأوكمل: "احنا في عقل جمعي مرتضي بالرئيس السيسي رمزا وقيادة وعندنا قناعة أنه هيكمل المشوار لنهوض مصر ولكن واحنا ماشيين لازم الفكر الجمعي موجود ميبقاش خمسة ستة بس هما اللي شغالين".

واختتم: "شوفوه ياجماعة شوفوا الرئيس السيسي بيعمل إيه واعملوا نصه؛ تعالوا يوم الجمعة ومتقعدوش في بيتوتكم تابعوا المشروعات بنفسكم زي ماهوة بيتابع".