"مش عايزة ذكاء".. نجيب ساويرس يكشف أفضل فرصة استثمارية في الوقت الحالي
قال رجل الأعمال المهندس نجيب ساويرس، إن أفضل الفرص الاستثمارية الحالية هي شهادات الـ 18% التي أطلقها بنكي مصر والأهلي بعد رفع الفائدة، بالإضافة إلى شراء العقارت، وذلك بخلاف الذهب الذي يكون احتياطيًا في أوقات الأزمات والحروب.
وأضاف ساويرس، خلال مداخلة هاتفية مع الإعلامي سيد علي ببرنامج "حضرة المواطن"، مساء الإثنين: "على المستوى القريب اللي معاه فلوس نقدي دلوقتي يقدر يحطها في شهادات الـ 18%، باعتبارها وعاء ادخاري وفرصة مش موجودة دايمًا، ودي أفضل فرصة دلوقتي، دي مش عايزة ذكاء".
وتابع رجل الأعمال: "كمان شراء العقارات فرصة كويسة دايمًا.. شوفنا الناس رفعت أسعار العقارات، واللي اشترى عقار حمى نفسه من التضخم.. الحاجات اللي زي دي هي الأضمن دلوقتي".
